Аб наведванні дэлегацыяй Пасольства в. Джэрсі
02.07.2024 г.
29 чэрвеня дэлегацыя Пасольства Беларусі ў Аб’яднаным Каралеўстве Вялікабрытаніі і Паўночнай Ірландыі ў рамках рабочага візіту і напярэдадні Дня Незалежнасці ўсклала вянок да “Мемарыяла вязням нацысцкіх лагераў”, размешчанага на востраве Джэрсі.
Па выніках урачыстай цырымоніі Часовы павераны ў справах Рэспублікі Беларусь Д.Казлоўскі адзначыў наступнае:
“Вялікая гісторыя чалавецтва складаецца з мноства гісторый асобных краін, рэгіёнаў, гарадоў, вёсак і нават асобных людзей. Гэта асабліва востра адчуваецца на маленькім кавалачку зямлі, згубленым у акіяне паміж Вялікабрытаніяй і Францыяй, які называецца востравам Джэрсі. Работа па недапушчэнні забыцця гістарычнай памяці, рэабілітацыі і адбялення нацызму, перадачы спадчыны гераічных дзядоў і прадзедаў будучым пакаленням з’яўляецца штодзённым безумоўным прыярытэтам у дзейнасці Пасольства Беларусі ў Вялікабрытаніі ў адпаведнасці з цвёрдай і бескампраміснай лініяй Кіраўніка Дзяржавы.”
Таксама адбылася сустрэча з антыфашысцкім актывістам і кіраўніком дабрачыннай грамадскай ініцыятывы па стварэнні мемарыяла Гарры Фонта, якому быў перададзены падрыхтаваны Генеральнай пракуратурай экземпляр маштабнага дакументальнага выдання «Генацыд беларускага народа».
«Хацеў бы выказаць асаблівую падзяку нашаму мясцоваму актывісту і аднадумцу Гарры Фонту, чыімі бескарыслівымі намаганнямі падтрымліваецца мемарыял. Гісторыя Джэрсі міжволі стала гісторыяй яго сям'і, бо бацька Гарры, іспанскі камуніст-рэспубліканец, сам быў вязнем канцлагера, цудам уцалеў і застаўся на Джэрсі як захавальнік памяці ахвяр нацызму, завяшчаўшы гэтую справу сыну. Дзякуючы такім людзям, як Гарры, светлая памяць загінулых і закатаваных у фашысцкіх засценках заўсёды будзе ў нашых сэрцах. А нацысты, іх пасобнікі і прыхільнікі могуць разлічваць толькі на справядлівы суд, які, праўда, у іх выпадку наўрад ці будзе паблажлівым» – адзначыў Д.Казлоўскі.
